ഗാന്ധി ചിന്തയിൽ ശുചീകരണത്തിൽ തിളങ്ങി ആയൂർവ്വേദ മെഡിക്കൽ അസ്സോസിയേഷൻ ഓഫ് ഇൻഡ്യ യും അരീക്കൽ ആയുർവേദ ആശുപത്രിയും  

 കൊട്ടാരക്കര: 
ഗാന്ധി ജയന്തിയോട് അനുബന്ധിച്ച് എ എം.എ ഐ കൊട്ടാരക്കര ഏരിയയും അരീക്കൽ ആയുർവേദ ആശുപത്രിയും സംയുക്തമായി നെല്ലിക്കുന്നം ജംഗ്ഷൻ മുതൽ അരീക്കൽ ആയുർവേദ ഹോസ്പിറ്റൽ വരെ മെഗാ ശുചീകരണ പ്രവർത്തനം നടത്തി. ആയുർവേദ ഡോക്ടർമാർ, സ്റ്റാഫുകൾ, സന്നദ്ധപ്രവർത്തകർ തുടങ്ങിയവർ പങ്കെടുത്തു. ശുചീകരണത്തിന് എത്തിയ എല്ലാവർക്കും ഓർമയ്ക്കായി എ.എം.എ ഐ കൊട്ടാരക്കര ഏരിയ പ്രസിഡൻറ് ഡോ. എ. ആർ. സ്മിത്ത്കുമാർ നെല്ലിമരം സമ്മാനിച്ചു. മാലിന്യം മൂടിക്കിടന്ന സ്ഥലങ്ങളിൽ നെല്ലി തൈകൾ നട്ട് പ്രകൃതിസംരക്ഷണത്തിന് കളമൊരുക്കി. ഡോ. അനിഷ്മമോൾ പി. എസ്., ഡോ. അശ്വതി മുരളീധരൻ തുടങ്ങിയവർ നേതൃത്വം നൽകി.