കാൽപന്തുകളിയുടെ ആവേശം ലോകമെങ്ങും എത്തിക്കഴിഞ്ഞു. ഖത്തറിൽ ഇത്തവണത്തെ ലോകകപ്പ് ഉദ്ഘാടന ചടങ്ങില് ഹോളിവുഡ് നടന് മോര്ഗന് ഫ്രീമാനൊപ്പം വേദിയിലെത്തിയ ഒരാള് എല്ലാവരുടെയും ശ്രദ്ധ പിടിച്ചുപറ്റിയിരുന്നു.ഖത്തര് ലോകകപ്പിന്റെ അംബാസിഡറായ ഗാനീം അല് മുഫ്താഹ് ആയിരുന്നു ആ താരം. നട്ടെല്ല്, കൈകാലുകള്, മൂത്രസഞ്ചി, കുടല്, എന്നിവയെല്ലാം ഉള്പ്പെടുന്ന ശരീരത്തിന്റെ താഴത്തെ പകുതിയുടെ വികാസത്തെ ഇല്ലാതാക്കുന്ന കോഡല് റിഗ്രെഷന് സിന്ഡ്രോം എന്ന അപൂര്വ രോഗം ബാധിച്ചയാളാണ് മുഫ്താഹ്. സോഷ്യല് ഇന്ഫ്ലുവന്സര്, മോട്ടിവേഷണല് സ്പീക്കര് എന്നീ നിലകളിലെല്ലാം അദ്ദേഹം പ്രശസ്തനാണ്.
ഖുര്ആനിലെ വാക്യങ്ങള് ചൊല്ലികൊണ്ടാണ് മുഹ്താബ് വൈവിധ്യത്തിന്റെയും എല്ലാവരെയും ഉള്ക്കൊള്ളേണ്ടതിന്റെയുമൊക്കെ സന്ദേശം പങ്കുവെച്ചത്. അദ്ദേഹത്തെ ശ്രദ്ധയോടെ ശ്രവിക്കുന്ന മോര്ഹന് ഫ്രീമാന്റെ ചിത്രങ്ങളും പലരുടെയും ശ്രദ്ധയാകര്ഷിക്കുകയാണ്.
Copyright © Copy Right © 2020 Mission News - All Right Reserved