കോഴിക്കോട് മെഡിക്കല് കോളജ് ആശുപത്രിയില് പനി ബാധിച്ച് ചികിത്സയിലായിരുന്ന യുവതി മരിച്ചു.കൂടരഞ്ഞി സ്വദേശി ബിന്ദു (45)വാണ് മരിച്ചത്. മരുന്നു മാറി കുത്തിവെച്ചതിനെ തുടര്ന്നാണ് യുവതി മരിച്ചതെന്ന് ബന്ധുക്കള് ആരോപിച്ചു.
ഇതേത്തുടര്ന്ന് മെഡിക്കല് കോളജ് പൊലീസ് കേസെടുത്തു. ഇന്നലെയാണ് ബിന്ദുവിനെ പനി ബാധിച്ചതിനെത്തുടര്ന്ന് ആശുപത്രിയില് പ്രവേശിപ്പിച്ചത്.
ആദ്യം കാഷ്വാലിറ്റിയില് കാണിച്ച ബിന്ദുവിന്, ശക്തമായ പനിയുള്ളതിനാല് അഡ്മിറ്റ് ചെയ്ത് 12-ാം വാര്ഡിലേക്ക് മാറ്റുകയായിരുന്നു. ഇന്നു രാവിലെ കുത്തിവയ്പ്പ് എടുത്തതിന് ശേഷം പള്സ് റേറ്റ് താഴുകയായിരുന്നുവെന്ന് ബന്ധുക്കള് പറഞ്ഞു.
തുടര്ന്ന് മരണം സംഭവിച്ചു. മരുന്ന് മാറി കുത്തിവെച്ചെന്ന ആരോപണത്തിന്റെ അടിസ്ഥാനത്തില് പൊലീസ് കേസെടുത്തു. മൃതദേഹം പോസ്റ്റ് മോര്ട്ടം നടത്തിയശേഷം ബന്ധുക്കള്ക്ക് വിട്ടു നല്കും
Copyright © Copy Right © 2020 Mission News - All Right Reserved