Mission News

*അങ്കമാലി*: ലയൺസ് ക്ലബ്ബ് ഓഫ് അങ്കമാലി എയർ സിറ്റിയുടെ ഓഗസ്റ്റ് മാസത്തെ പ്രഥമ പ്രൊജക്ടിന്റെ ഭാഗമായി അങ്കമാലി മുൻസിപ്പാലിറ്റിയിലെ ഹരിതകർമ്മസേന അംഗങ്ങളെ ആദരിച്ചു.

വെയിലും മഴയും വകവെക്കാതെ നഗരത്തിന്റെ ശുചിത്വം കാത്തുസൂക്ഷിക്കുന്ന 50-ഓളം വരുന്ന ഹരിതകർമ്മസേന അംഗങ്ങൾക്കാണ് ക്ലബ്ബിന്റെ ആഭിമുഖ്യത്തിൽ തൊപ്പിക്കുടകൾ സമ്മാനിച്ചത്.

അങ്കമാലി മുൻസിപ്പൽ കോൺഫറൻസ് ഹാളിൽ നടന്ന ചടങ്ങിൽ മുൻസിപ്പൽ വൈസ് ചെയർമാൻ *ലയൺ ശ്രീ. വിൽസൺ മുണ്ടാടൻ* അധ്യക്ഷത വഹിച്ചു. മുൻസിപ്പൽ ചെയർപേഴ്സൺ *ശ്രീമതി റീത്ത പോൾ* ചടങ്ങ് ഔദ്യോഗികമായി ഉദ്ഘാടനം ചെയ്തു.

ചടങ്ങിൽ ക്ലബ്ബ് പ്രസിഡന്റ് *ലയൺ മാർട്ടിൻ സി.വി*, സെക്രട്ടറി *ലയൺ സണ്ണി വർഗീസ്*, ട്രഷറർ *ലയൺ ബിജു ജോസഫ്*, റീജിയൻ 18 ചെയർപേഴ്സൺ *ലയൺ സുമിത് രവി എം.ജെ.എഫ്*, സോൺ ചെയർപേഴ്സൺ *ലയൺ നിഷി ജേക്കബ്* എന്നിവർ സന്നിഹിതരായിരുന്നു. ക്ലബ്ബിന്റെ മറ്റ് ഭാരവാഹികളും അംഗങ്ങളും പരിപാടിക്ക് നേതൃത്വം നൽകി.

സമൂഹത്തിന് വേണ്ടി നിശബ്ദമായി സേവനം ചെയ്യുന്ന ഹരിതകർമ്മസേനാംഗങ്ങളുടെ പ്രവർത്തനങ്ങളെ മാനിച്ചുകൊണ്ട് നടപ്പിലാക്കിയ ഈ സ്നേഹപദ്ധതി ഏറെ പ്രശംസ പിടിച്ചുപറ്റി.